తెలంగాణలో 2,256 కొత్తగా కేసులు నమోదు

0
151

హైదరాబాద్‌: తెలంగాణలో కరోనా విజృంభణ కొనసాగుతుంది. ఈరోజు ఉదయం వైద్య, ఆరోగ్యశాఖ తాజా బులెటిన్‌లో తెలిపిన వివరాల ప్రకారం.. నిన్న కొత్తగా 2,256 కేసులు నమోదు కాగా, 14 మంది ప్రాణాలు కోల్పోయారు. తాజా కేసులతో కలుపుకుని రాష్ట్రవ్యాప్తంగా నమోదైన మొత్తం కేసుల సంఖ్య 77,513కు పెరగ్గా, 615 మరణాలు సంభవించాయి. రాష్ట్రంలో ఇంకా 22,568 కేసులు యాక్టివ్‌గా ఉన్నాయి. 15,830 మంది హోం క్వారంటైన్, వ్యవస్థాగత ఐసోలేషన్‌లో ఉన్నట్టు ప్రభుత్వం పేర్కొంది.

తాజాగా వెలుగు చూసిన కేసుల్లో 464 కేసులు గ్రేటర్ హైదరాబాద్ పరిధిలో నమోదు కాగా, ఆ తర్వాత అత్యధికంగా వరంగల్ అర్బన్‌ (187), రంగారెడ్డి (181), మేడ్చల్ మల్కాజిగిరి (138), కరీంనగర్‌ (101)లలో వందకుపైగా కేసులు నమోదయ్యాయి. ఇక, నిన్న ఒక్క రోజే రాష్ట్రవ్యాప్తంగా 23,322 మందికి కొవిడ్ పరీక్షలు నిర్వహించారు. ఫలితంగా ఇప్పటి వరకు నిర్వహించిన పరీక్షల సంఖ్య 5,90,306కు పెరిగింది.

LEAVE A REPLY

Please enter your comment!
Please enter your name here